«Paspalitaje rušeńnie» adkazała Sachaščyku: U nas niama mety siłavoha zachopu ŭłady ŭ Biełarusi, my jaho nikoli nie płanavali
Inicyjatyva aficyjna prakamientavała list pradstaŭnika Abjadnanaha pierachodnaha kamiteta pa abaronie.
16.05.2024 / 12:27
Valeryj Sachaščyk. Fota: ofis Śviatłany Cichanoŭskaj
«Paspalitaje rušeńnie» vystupiła z aficyjnaj zajavaj, u jakoj patłumačyła mety arhanizacyi i abvierhła infarmacyju ab tym, što płanavała terakty na terytoryi Biełarusi.
U zajavie ŭ telehram-kanale adznačajecca, što «Paspalitaje rušeńnie» źjaŭlajecca hramadskim abjadnańniem biełarusaŭ za miažoj, jakoje stavić pierad saboj zadačy maralnaha, histaryčnaha i fizičnaha vychavańnia biełarusaŭ, a taksama zachavańnia narodnych tradycyj.
«Našaj metaj nie źjaŭlajecca siłavy zachop ułady ŭ Biełarusi. My nikoli nie płanavali terakty, abo ŭvarvańnia ŭ Biełaruś, tym bolš z boku Polščy, Litvy i Łatvii. My nie parušajem zakony demakratyčnych krain i nie płanujem nijakich supraćpraŭnych dziejańniaŭ», — havorycca ŭ zajavie.
U PR śćviardžajuć, što lubyja dziejańni ludziej ad imia arhanizacyi, jakija nakiravanyja na siłavy varyjant u dačynieńni da trecich krain, buduć ličyć pravakacyjaj biełaruskich śpiecsłužbaŭ.
«Paspalitaje rušeńnie» nie rychtujecca da akcyj ahresiŭnaha charaktaru na terytoryi Biełarusi, tym bolš z terytoryi Jeŭrasajuza. Prosim usie infarmacyjnyja pravakacyi adnosna «Paspalitaha rušeńnia» ŭsprymać jak złačynstva režymu Łukašenki», — zajavili ŭ arhanizacyi.
U kancy krasavika ŚMI apublikavali sakretny list pradstaŭnika Abjadnanaha pierachodnaha kabinieta pa abaronie Valeryja Sachaščyka. U im jon papiaredžvaŭ, što biełaruskija arhanizacyi za miažoj, źviazanyja z «Paspalitym rušeńniem» i «Lićvinami», rychtujuć ataku bieśpiłotnikaŭ na abjekty krytyčnaj infrastruktury Biełarusi. Sachaščyk zajaviŭ, što atrymaŭ takuju infarmacyju ad krynic u jeŭrapiejskich śpiecsłužbach.
Apovied Cierciela pra ataku dronaŭ ź Litvy moža być zasnavany na liście Sachaščyka?
Sachaščyk patłumačyŭ, navošta pisaŭ svoj sakretny list pra ataki bieśpiłotnikaŭ pa Biełarusi
Sachaščyk: Kali b ja supracoŭničaŭ z KDB, ja b adpraviŭ tudy list nieprykmietna