Ułady Słavakii śćviardžajuć, što Fica jašče apieryrujuć i stan krytyčny
Raniej słavackija ŚMI paviedamili, što premjer Słavakii, na jakoha siońnia zrabili zamach, paśpiachova pieranios apieracyju i znachodzicca ŭ stabilnym stanie. Adnak ža aficyjnyja krynicy śćviardžajuć, što nasamreč apieracyja jašče praciahvajecca.
15.05.2024 / 22:12
Palicyjant kala balnicy ŭ horadzie Bańska-Bystryca, u jakoj apieryrujuć Robierta Fica. Fota: AP Photo/Denes Erdos
Pa słovach ministra ŭnutranych spraŭ Słavakii Matuša Šutaja-Eštoka, apieracyja jašče nie zavieršanaja, i stan Robierta Fica daloki ad dobraha:
«Złačyniec zrabiŭ 5 strełaŭ, i premjer-ministr znachodzicca ŭ krytyčnym stanie. Jon usio jašče znachodzicca na apieracyjnym stale, — zajaviŭ palityk. — Pieršapačatkovaja infarmacyja, jakuju my majem, havoryć pra vidavočnuju palityčnuju matyvacyju, pra toje, što rašeńnie było pryniataje nieŭzabavie paśla prezidenckich vybaraŭ».
Pra toje, što Fica pa-raniejšamu ŭ apieracyjnaj i stan jahony krytyčny, zajavili taksama ministr abarony Słavakii Robiert Kaliniak i ministarka achovy zdaroŭja Zuzana Dolinkava.
Premjeru Słavakii paśla zamachu zrabili paśpiachovuju apieracyju
Stała viadoma, chto stralaŭ u słavackaha premjera Fica
«Roba, idzi siudy». Premjera Słavakii buduć terminova apieravać paśla zamachu
Zamach na premjera Słavakii — jaho stan vielmi ciažki