Стала вядома, хто страляў у славацкага прэм'ера Фіца
Славацкія СМІ паведамляюць, што 71-гадовым мужчынам, які страляў у прэм'ера краіны Роберта Фіца, з'яўляецца пісьменнік Юрай Цінтула.
15.05.2024 / 18:08
Скрыншот з відэа
Юрай Цінтула — аўтар некалькіх паэтычных зборнікаў, які жыве ў горадзе Левіцы. Акрамя пісьменніцтва, ён таксама актывіст ліберальнай партыі «Прагрэсіўная Славакія».
У 2016 годзе Цінтула працаваў ахоўнікам у гандлёвым цэнтры, і на яго напаў ды збіў нецвярозы мужчына, які зладзіў дэбош у супермаркеце. Пасля гэтай гісторыі пра яго пісалі газеты і рабілі рэпартажы мясцовыя тэлеканалы. Дарэчы, як сцвярджаецца, менавіта з часоў працы ў прыватнай ахоўнай кампаніі Юрай Цінтула меў права на нашэнне зброі.
Афіцыйна праваахоўныя органы Славакіі пакуль не раскрывалі асобы стралка. Цяпер падазраваны ў замаху на Фіца знаходзіцца пад вартай, ягонай справай займаецца Нацыянальнае крымінальнае агенцтва Славакіі.
«Роба, ідзі сюды». Прэм'ера Славакіі будуць тэрмінова апераваць пасля замаху
Замах на прэм'ера Славакіі — яго стан вельмі цяжкі
Паплечнік Фіца выйграў прэзідэнцкія выбары ў Славакіі. Ён супраць вайсковай дапамогі Украіне