У каналах, якія «вядзе суддзя Шміт», смешная польская мова
Польскі перабежчык актыўна вядзе свае каналы ў сацыяльных сетках. Вось толькі дапускае памылкі ў польскай мове.
17.05.2024 / 07:00
Томаш Шміт каля Каложскай царквы ў Гародні. Фота: Tomasz_Szmydt / Telegram
Томаш Шміт актыўна вядзе свае акаўнты ў тэлеграме, твітары і фэйсбуку.
Усе яны з'явіліся толькі ў маі 2024 года, пасля таго як ён вынырнуў у Беларусі. Напрыклад, у тэлеграме канал быў створаны 3 мая, а першы запіс у ім датуецца 6 мая.
Першы запіс у акаўнце Томаша Шміта ў тэлеграме зроблены 6 мая
Аднак запісы, апублікаваныя на польскай мове карэнным палякам, утрымліваюць моўныя і стылістычныя памылкі, тыповыя для расейскамоўных людзей.
Моўныя і стылістычныя памылкі ў запісах, размешчаных Томашам Шмітам у сваім акаўнце ў Х. Фота: Konkret 24
Памылкі настолькі відавочныя, што на іх звяртаюць увагу і не палякі, напрыклад, беларускі журналіст Дзмітры Гурневіч.
Польскі навуковец, супрацоўнік Ягелонскага ўніверсітэта Міхал Марэк (Michał Marek) таксама звяртае ўвагу на значную актыўнасць па папулярызацыі акаўнта Шміта ў Х:
«Афіцэр, які кіруе акаўнтам Томаша Шміта, не толькі дапускае памылкі адносна польскай мовы, але і аналізуе эфектыўнасць сваіх дзеянняў і дакладна арыентуецца на Х/Twitter».
Па словах Марэка, такога не назіралася ў выпадку Эміля Чэчкі і польскага блогера Марціна Мікалайчыка, які ў канцы 2022 года папрасіў палітычнага прытулку ў Расіі.
«Выглядае на тое, што былі зроблены вывады, і цяпер сканцэнтраваліся на выкарыстанні папярэдняга аналізу ў галіне таргетынгу акаўнтаў, якія маглі б дапамагчы Мінску і Маскве ў правядзенні аперацый».
Як тлумачыць эксперт польскага выдання Konkret 24, атрымальнікамі інфармацыі павінны стаць тыя палякі, якія гатовыя прыняць антыўкраінскія і ўмерана прарасійскія наратывы.
Расійскі «эксперт па рабоце спецслужбаў» заявіў, што камунікаваў з суддзёй Шмітам доўгія гады
Збеглага польскага суддзю, імаверна, пасялілі ў Драздах
Збеглага суддзю Шміта ў Польшчы завочна арыштавалі на 3 месяцы