Mihrant skraŭ racyju ŭ polskaha pamiežnika na biełaruska-polskaj miažy
Incydent adbyŭsia niedaloka ad Čaromchi ŭ Padlaskim vajavodstvie 9 maja. Supracoŭnik polskaj pamiežnaj słužby patrulavaŭ miažu. Jon zaŭvažyŭ na zaharodzie markier i vyrašyŭ jaho źniać, piša Radio Zet.
14.05.2024 / 13:30
Fota: twitter.com/Straz_Graniczna
Takija markiery na płocie pakidajuć arhanizatary nielehalnaj mihracyi. Zvyčajna nalepkami paznačajuć miesca zboru i budučaha praryvu miažy.
Kali pamiežnik padyšoŭ da płota, kab sarvać nalepku, z druhoha boku zaharody niečakana źjaviŭsia mihrant. Jon prasunuŭ ruki skroź kraty, schapiŭ racyju i ŭciok.
Pra incydent adrazu ž paviedamili ŭ kamandny punkt, racyja była dystancyjna adklučanaja. Rasśledavańnie ŭ pamiežnaj słužbie pravodzić nie buduć: zapisy z kamier paćvierdzili apovied pamiežnika.
Nahadajem, 10 maja hrupa mihrantaŭ z 140 čałaviek raspačała čarhovuju sprobu šturmu polskaj miažy. Adnak natoŭp byŭ adkinuty polskimi pamiežnikami na terytoryju Biełarusi.