Kim Čen Yn pabudavaŭ raskošny horad dla raspracoŭščykaŭ jadziernaj zbroi
Ale pakidać horad navukoŭcam nielha.
13.05.2024 / 17:35
Skrynšot videa z sacsietak
Novy nasieleny punkt źjaviŭsia niedaloka ad Pchieńjana, piša BILD.
«Tavaryš hienieralny sakratar pabudavaŭ ščaślivy dom dla navukoŭcaŭ. Navukoŭcy i inžyniery mohuć u poŭnaj miery atrymać asałodu ad sacyjalistyčnaj cyvilizacyjaj», — kazała pra novy horad paŭnočnakarejskaja prapahanda.
U horadzie pabudavali kulturnyja centry, spartyŭnyja placoŭki i basiejny. Adnak pakidać nasieleny punkt navukoŭcam možna tolki sa śpiecyjalnym dazvołam. Horad dobra achoŭvajecca.
Śpiecsłužby Paŭdniovaj Karei ličać, što Kim Čen Yn choča jadziernych pieramovaŭ u ZŠA. Z hetaj metaj KNDR moža navat spravakavać rehijanalny kanflikt. Na dumku paŭdniovakarejskaj vyviedki, ciapier Kim Čen Yn pahražaje naŭprost ZŠA, a nie ich sajuźnikam, jak heta było raniej.
Dla dasiahnieńnia praryvu ŭ raspracoŭcy jadziernaj zbroi paŭnočnakarejski lidar ulivaje ŭ jadziernuju prahramu sotni miljonaŭ dołaraŭ.