Hihancki pažar zdaryŭsia ŭ handlovym centry Varšavy
Usie, chto znachodziŭsia na abjekcie i ŭ vakolicach, byli evakujavanyja.
12.05.2024 / 12:06
Hihancki pažar zdaryŭsia ŭ varšaŭskim handlovym centry na vulicy Maryvilskaj, 44. Heta vialiki kompleks z 1400 kramami i punktami absłuhoŭvańnia. Pažarnyja paviedamili, što abrynuŭsia dach.
Pažar u HC. Fota: polskaja Dziaržaŭnaja pažarnaja słužba
Uzharańnie adbyłosia ranicaj u niadzielu, 12 maja. Ahniom było achoplena bolš za 80% zały.
Žycharoŭ pobač z handlovym centram paprasili začynić vokny i pa mahčymaści zastacca doma.
Jak paviedamili ŭ Dziaržaŭnaj pažarnaj słužbie Polščy, na piku vyratavalnyja raboty viali 78 bryhad i 254 pažarnyja.
Na hety momant pryčyna pažaru nieviadomaja.
Pažar u HC. Fota: polskaja Dziaržaŭnaja pažarnaja słužba