U škołach źjavicca siem novych fakultatyvaŭ
Hetyja prahramy zaklikany pašyryć viedy i navyki vučniaŭ u roznych halinach.
10.05.2024 / 09:16
Ilustracyjnaje fota Naša Niva
Školnyja navučalnyja prahramy papoŭnilisia siamiu novymi fakultatyŭnymi zaniatkami dla školnikaŭ. Pra heta stała viadoma z pastanovy Ministerstva adukacyi ad 13 sakavika 2024 hoda, apublikavanaj na Nacyjanalnym pravavym partale, piša Tochka.by.
Adnym z takich fakultatyvaŭ źjaŭlajecca «Kali vučycca lohka. U śviecie finansaŭ», pryznačany dla navučencaŭ 3-4 kłasaŭ. Składzienaja prahrama achoplivaje 34 navučalnyja hadziny ŭ kožnym kłasie. Nakiravana na farmiravańnie finansavaj piśmiennaści, adkaznaha staŭleńnia da hrošaj.
Inšy fakultatyŭ, «Kali vučycca lohka. U śviecie infarmacyjnaj biaśpieki», taksama pryznačany dla vučniaŭ 3-4 kłasaŭ. Hetaja prahrama nakiravana na navučańnie praviłam biaśpiečnaha abychodžańnia ź infarmacyjaj i jaje krynicami.
Akramia taho, zaćvierdžany prahramy dla inšych kłasaŭ, takija jak «Ščaślivy biełarusam nazyvacca» dla 5-9 kłasaŭ, «Padarožničajem bieź niebiaśpieki» dla 6 kłasa, «Vybirajem zdarovy ład žyćcia» dla 8 kłasa, «Pradprymalnictva ŭ dziejańni» dla 10 kłasa i «Infarmacyjnaja biaśpieka: mif ci realnaść?» dla 10-11 kłasaŭ.
Usie hetyja fakultatyvy buduć dastupnyja ŭ navučalnych ustanovach z navučańniem na biełaruskaj i ruskaj movach.
U Mahilovie praviali parad daškolnikaŭ — usich apranuli ŭ vajennuju formu
13-hadovuju minskuju školnicu, jakaja prapała pa darozie sa škoły, znajšli