Bieśpiłotniki ŭdaryli pa NPZ pad Kałuhaj
U rajonie «Pieršaha zavoda» — tak nazyvajecca NPZ prykładna za 30 km ad Kałuhi — byli čutnyja vybuchi.
10.05.2024 / 07:21
«Jak raspaviali Shot vidavočcy, kala hadziny nočy niekalki mahutnych vybuchaŭ prahučali ŭ Dziaržynskim rajonie, niedaloka ad stancyi Pałatniany zavod. Pa słovach žycharoŭ, da hetaha byli čutnyja charakternyja huki pralotu niekalkich BPŁA, paśla čaho staŭ bačny pažar i dym u rajonie miascovaj naftabazy», — piša Shot
Paźniej rasijskija ŭłady pryznali fakt pažaru na NPZ pad Kałuhaj, ale pakul nie paćvierdzili paviedamleńni miascovych žycharoŭ, što jon uźnik z pryčyny ŭdaru dronaŭ.
Adzinaja dziažurna-dyśpietčarskaja słužba Dziaržynskaha rajona Kałužskaj vobłaści, dzie raźmieščany NPZ «Pieršy zavod», paviedamiła Readovka, što pažar na zavodzie łakalizavany, i što achviar niama.
Unačy bieśpiłotniki atakavali dźvie vobłaści ŭ Rasii. Na Razanskim NPZ uźnik pažar
U Krasnadarskim krai ŭ vyniku ataki bieśpiłotnikaŭ zahareŭsia NPZ
Biełaruskaja naftapierapracoŭka niasie vializnyja straty