Žychary Rahačova paskardzilisia na ržavuju vadu — čynoŭniki ŭ adkaz zaklikali «nie paddavacca na pravakacyi»
U rajvykankamie kažuć, što biaśsilnyja.
08.05.2024 / 17:08
Skrynšot videa žychara Rahačova: Fłahštok
Žychar rajona Małočna-kansiervavaha kambinata Rahačova ŭ miascovym čacie «dyjałohu z uładaj» paskardziŭsia na iržavuju vadu z-pad krana.
Takimia skarhi ŭ rehijonie pastupajuć rehularna. Adnak hetym razam miascovyja čynoŭniki faktyčna raśpisalisia ŭ svajoj biaśsilnaści, piša «Fłahštok».
Žychar Rahačova ŭ čacie abvinavaciŭ kamunalnikaŭ u niadbajnaści i pryhraziŭ, što paskardzicca abłasnym uładam. Jamu emacyjna adkazała namieśnica načalnika adździeła ŽKH Rahačoŭskaha rajvykankama Śviatłana Kazakievič.
Čynoŭnica zajaviła, što ŭ vykankamie ŭsio vielmi pieražyvajuć. Tam viedajuć ab prablemie, pravodzili narady z pradstaŭnikami ŽKH vobłaści.
«Źviarnulisia da ich pa dapamohu, tak pakul sami nie moža vyznačyć pryčyny prablemy. Pa vynikach rabočaj narady pryniata rašeńnie vykanać šerah sumiesnych mierapryjemstvaŭ», — adznačyła Kazakievič.
Skrynšot: Fłahštok
Pavodle jaje słoŭ, śpiecyjalisty pracujuć kožny dzień, ale pakul nie mohuć vyrašyć prablemu. Z-za hetaha, jak zajaŭlaje Kazakievič, u vykankamie ŭsio vielmi pieražyvajuć.
Čynoŭnica taksama zaklikała žycharoŭ «nie paddavacca na pravakacyi». Na jakija mienavita, jana nie patłumačyła.
U domie na Alšeŭskaha ŭ Minsku zatapiła dziesiać kvater — vada liłasia navat z razietak
Užo chutka ŭ Minsku pačnuć adklučać haračuju vadu. Chto pieršy trapiŭ u sumny śpis?