У цэнтры Мінска прадаюць «сталінку» за $825 тысяч. За што просяць такія грошы?
«Эксклюзіўная кватэра ў гістарычным цэнтры Мінска», — так называюць чатырохпакаёўку па адрасе К. Маркса, 21.
07.05.2024 / 07:00
Maps.yandex.com
Агульная плошча чатырохпакаёвай «сталінкі» з палепшанай планіроўкай складае 120 м². Размяшчаецца яна на другім паверсе дома 1948 года пабудовы.
Столі ў кватэры трохмятровыя. Есць два санвузлы і чатыры прасторныя пакоі. Гасцёўня мае 31 м², а самы маленькі пакой — 17 м².
Кватэра прадаецца разам з мэбляй і тэхнікай. Дызайн выкананы ў класічным стылі без асаблівай вычурнасці, у кожным пакоі стаіць кандыцыянер. У апісанні пазначана, што ў кватэры зрабілі глыбокі рамонт з заменай усіх камунікацый.
У адным з санвузлоў душавая кабіна, уваход у яго ідзе з калідора. У другі санвузел можна трапіць толькі праз спальны пакой.
Там стаіць вуглавая ванна з джакузі. У памяшканні ёсць даволі вялікае акно.
Нягледзячы на высокі кошт, нейкай асаблівай разнастайнасці ў кватэры адшукаць не атрымаецца. Тры з чатырох жылых пакояў — звычайныя спальні з двухспальным ложкам.
Прадаўцы кватэры сярод пераваг адзначаюць, што дом з'яўляецца помнікам архітэктурна-культурнай спадчыны і мае закрыты двор. Суседзяў яны называюць інтэлігентнымі людзьмі з высокім сацыяльным статусам.
Атрымліваецца, што квадратны метр у гэтай кватэры каштуе 6829 даляраў. Пры гэтым сярэдняя цана па Мінску — $1370 за метр.
У Мінску прадаюць кватэру з відам на КДБ. Колькі просяць за «сталінку» з тэрасай?
У гістарычным цэнтры Гродна прадаюць кватэру з голымі сценамі. Голымі ў прамым сэнсе