Polski sudździa paprasiŭ abarony ŭ biełaruskich uładaŭ
Polski sudździa Tomaš Šmit paprasiŭ abarony ŭ biełaruskich uładaŭ. Dziala jaho zajavy ŭłady sabrali vialikuju pres-kanfierencyju ŭ pres-centry BiełTA.
06.05.2024 / 11:27
Tomaš Šmit — sudździa 2-ha adździaleńnia vajavodskaha administracyjnaha suda h. Varšavy. Raniej zajmaŭ roznyja pasady ŭ sudovaj sistemie i orhanach justycyi Polščy. Źjaŭlaŭsia kiraŭnikom jurydyčnaha adździeła ŭ Nacyjanalnaj radzie sudździaŭ Polščy.
«Z pryčyny niazhody z palitykaj i dziejańniami ŭładaŭ vymušana pakinuŭ Polšču i zaraz znachodzicca ŭ Biełarusi. Padviarhaŭsia pieraśledam i pahrozam za samastojnuju palityčnuju pazicyju», — śćviardžaje BiełTA.
Tomaš Šmit znachodzicca ŭ Minsku i «hatovy raskazać praŭdu», dadaje dziaržaŭnaje ahienctva.
Jon zajaviŭ, što «Amieryka žadaje ŭciahnuć Polšču ŭ vajnu», zachodnija palityki «pavinny adnavić dyjałoh z prezidentam Łukašenkam», a taksama «prezident Biełarusi mnohaje zrabiŭ, kab u našym rehijonie była spakojnaja i stabilnaja situacyja».
Pres-kanfierencyja praciahvajecca.