Vyšej tolki Madahaskar: pieramoha «Mioraŭ» nad «Rasonami» 50:0 — druhaja ŭ historyi futboła
Sastupili tolki skandalnamu demaršu.
05.05.2024 / 22:28
Fota: Rodny futboł
U Miorach nikoli nie było mocnaj futbolnaj kamandy ŭzroŭniu chacia b čempijanatu Biełarusi. Ale hety horad užo dakładna trapiŭ na futbolnuju kartu śvietu.
Usio praz histaryčnuju pieramohu nad «Rasonami» ŭ matčy turniru, arhanizavanaha Minsportu ŭ piku druhoj lizie Biełaruskaj fiederacyi futbołu. 4 maja «Miory» razhramili supiernika ź likam 50:0.
Hety anamalny vynik staŭ druhim u śpisie samych bujnych pieramoh u historyi suśvietnaha futboła, zaŭvažyŭ «BM».
Matč u Miorach sastupiŭ tolki hulni čempijanatu Madahaskara pamiž kamandami «Adema» i «Ł'emirn», jakaja zaviaršyłasia ź nievierahodnym likam 149:0 i ŭvajšła ŭ Knihu rekordaŭ Hinesa.
Taja sustreča prajšła ŭ 2002 hodzie. Za tur da kanca čempijanatu sudździa pazbaviŭ «Ł'emirn» šancaŭ na tytuł, pryznačyŭšy ŭ jaho varoty niespraviadlivy pienalci na apošniaj chvilinie. Čempijonstva dastałasia «Ademie», jakaja jakraz i prymała «Ł'emirn» u apošnim tury.
Hości vyrašyli zładzić samuju sapraŭdnuju akcyju pratestu. Trenier pastaviŭ pierad hulcami cikavuju zadaču: zabić jak maha bolš hałoŭ … u svaje varoty.
U vyniku matč vyhladaŭ nastupnym čynam: futbalisty «Ademy» prosta stajali i nazirali, jak hulcy «Ł'emirna» rasstrelvajuć ułasnyja varoty. Tyja za 90 chvilin paśpieli zabić 149 hałoŭ. Miač ulataŭ u varoty ŭ siarednim kožnyja 36 siekund.
Tak «Adema» trapiła ŭ Knihu rekordaŭ jak aŭtar samaj bujnoj pieramohi ŭ historyi futboła. Papiaredniaje dasiahnieńnie naležała šatłandskamu «Arbrotu», jaki ŭ 1885 hodzie razhramiŭ «Bok Akord» u Kubku Šatłandyi ź likam 36:0. Rekord pratrymaŭsia bolš za stahodździe.
«Miory» ŭ Knihu Hinesa trapić nie zmahli. Ale druhoje miesca ŭ histaryčnaj tablicy — taksama dasiahnieńnie. Jakim, praŭda, arhanizatar lihi Minsportu naŭrad ci moža hanarycca.
50:0! I heta lik nie rehbijnaha, a futbolnaha matča ŭ biełaruskim čempijanacie
Biełarus Anton Čyčkan staŭ uładalnikam Kubka Polščy pa futbole
Padčas futbolnaha matča pieršaj lihi hulec straciŭ prytomnaść, jaho zabrała chutkaja
12-hadovy biełaruski futbalist zrabiŭ vybar pamiž «Reałam» i «Barsiełonaj»