У акупаваным Бярдзянску ўзарвалі супрацоўніка калоніі, які катаваў украінскіх палонных
Выбухоўку заклалі пад машыну.
05.05.2024 / 17:58
У акупанавым Бярдзянску ўзарвалі супрацоўніка калоніі, які катаваў украінскіх палонных. Паводле версіі следства, сёння невядомы заклаў самаробнае выбуховае прыстасаванне пад машыну супрацоўніка папраўчай калоніі ў горадзе Бярдзянску Запарожскай вобласці. Яно спрацавала. Ад атрыманых траўм мужчына памёр на месцы здарэння.
ГУР Украіны пацвердзіла забойства калабаранта.
Па звестках украінскага ведамства, падарваны ў машыне — Яўген Ананьеўскі. Ён быў адным з арганізатараў ізалятараў на тэрыторыі Бярдзянскай папраўчай калоніі №77.
«У выніку падрыву датычнага да катаванняў над украінскімі палоннымі, Яўген Ананьеўскі быў ліквідаваны», — заявілі ў Галоўным упраўленні разведкі Украіны.