Karajeŭ: Źmianialnaść ułady piarečyć našamu słavianskamu mientalitetu
Były ministr unutranych spraŭ, a ciapier pamočnik Łukašenki pa Hrodzienskaj vobłaści Juryj Karajeŭ parazvažaŭ pra škodu «zachodniaha ŭzoru demakratyi».
03.05.2024 / 12:41
U prahramie na Hrodzienskim telebačańni Juryj Karajeŭ, zhadvajučy padziei 2020 hoda, vykazaŭsia pra asablivaści «zachodniaj demakratyi»:
«Usie niekamiercyjnyja arhanizacyi <…> hadami sprabavali ŭ našym narodzie pasiejać paniaćcie «demakratyja — heta svaboda asoby, abaviazkovaja źmianialnaść ułady».
Inšymi słovami — zachodni ŭzor žyćcia, uzor demakratyi — čatyry hady, maksimum vosiem i lidar krainy pavinien abaviazkova syści. Dy i paniaćcia «lidara» niama. Jość niejki naniaty ŭpraŭlajučy».
U kabiniecie Karajeva visiać jak minimum dva partrety Łukašenki. Skryn videa: grodnoplus / YouTube
Karajeŭ ličyć, što takoje razumieńnie demakratyi piarečyć mientalitetu biełarusaŭ:
«Usio heta całkam supiarečyć našamu savieckamu, našamu słavianskamu, našamu jeŭraazijackamu duchu i mientalitetu, dzie ŭ historyi zusim pa-inšamu składvałasia. I my hety šlach namacali, kali ŭ nas mocny kiraŭnik respubliki, jakoha narod vybraŭ.
Karajeŭ vystupaje za toje, kab Łukašenka kiravaŭ jak maha daŭžej.
Karajeŭ abvinavaciŭ biełarusaŭ tymi ž słovami, jakimi Hitler abvinavačvaŭ jaŭrejaŭ i marksistaŭ
Karajeŭ raskazaŭ, ci jość u jaho achoŭnik, i praśpiavaŭ na BT pieśniu «Lube»