U Alpach zahinuŭ 32-hadovy biełarus — paśliznuŭsia na śniezie i ŭpaŭ u prorvu
Pavodle paviedamleńnia miascovaj presy, 32-hadovy alpinist zahinuŭ 1 maja ŭ šviejcarskich Alpach. Jon paśliznuŭsia i ŭpaŭ u prorvu hłybinioj bolš za 100 mietraŭ. U inšym paviedamleńni śćviardžajecca, što heta byŭ hramadzianin Biełarusi, jaki daŭno ŭžo žyŭ u Hiermanii.
02.05.2024 / 22:44
Fota: fm1today.ch
Zdareńnie adbyłosia ŭ hornym masivie Alpštajn, na schile samaj vysokaj jaje viaršyni pad nazvaj Zioncis.
Supracoŭnik miascovaj kanatnaj darohi zaŭvažyŭ, jak u 15:45 niejki mužčyna pierasiakaŭ śniežnaje pole, ale praź niekatory čas straciŭ jaho z pola zroku.
Vidavočca adrazu paviedamiŭ pra toje, što bačyŭ čałavieka ŭ niebiaśpiečnym miescy, u słužbu avijavyratavańnia. Padčas pošukavaha palotu jana znajšła alpinista na krutoj miascovaści, ale jon byŭ užo miortvy.
Pavodle papiaredniaj infarmacyi, mužčyna zabłukaŭ na hary z-za masy śniehu. Zatym jon paśliznuŭsia na śniezie i ŭpaŭ u prorvu hłybinioj bolš za sto mietraŭ, paviedamlaje palicyja paŭkantona Apiencel-Inieroden. Śćviardžajecca, što čałaviek mieŭ niedastatkovuju dla takich hor ekipiroŭku.
U Słavakii zahinuła biełaruska, jana ratavałasia ad miadźviedzia
Siabry biełaruski Hanny, jakaja zahinuła na Bali, raskazali pra jaje i pra avaryju