Asudzili jašče dvuch fihurantaŭ «karahodnaj spravy» ŭ Breście
23, 24 i 26 krasavika 2024 hoda sud Bresckaha rajona razhledzieŭ kryminalnuju spravu suprać Ksienii Turubčuk i Dźmitryja Mirašničenki. Spravu razhladała sudździa Alena Krukovič, paviedamlaje «Bieraściejskaja viasna».
29.04.2024 / 20:28
Brest 13 vieraśnia. Fota: MUS
Abodvuch abvinavačanych asudzili pavodle č. 1 art. 342 Kryminalnaha kodeksa da dvuch hadoŭ abmiežavańnia voli biez nakiravańnia ŭ PUAT («chatniaj chimii»). Viadoma, što ich sudzili za ŭdzieł u akcyi pratestu, jakaja prachodziła 13 vieraśnia 2020 hoda ŭ Breście.
Takim čynam, na hety momant viadoma ŭžo pra 137 čałaviek, jakich asudzili pa «karahodnaj spravie» pavodle kryminalnaha artykuła, kali 13 vieraśnia 2020 hoda ludzi ŭ Breście prajšlisia maršam pa horadzie, spynilisia na prajeznaj častcy na skryžavańni bulvaraŭ i praśpiekta Mašerava, stajali tam i śpiavali pieśni, častka vadziła karahod.
Siłaviki razahnali akcyju, upieršyniu ŭ historyi Bresta ŭžyŭšy dla hetych metaŭ vadamiot. Mnohich pratestoŭcaŭ spačatku asudzili pavodle art. 23.34 KaAP (tady heta byŭ artykuł za tak zvanaje «niesankcyjanavanaje masavaje mierapryjemstva»). Ale potym raspačali spravu pavodle č. 1 art. 342 Kryminalnaha kodeksa «aktyŭny ŭdzieł u hrupavych dziejańniach, jakija hruba parušajuć hramadski paradak».
Na volu vyšli palitźniavolenyja Leŭ Cialipka i Raman Hvaździołka
Najmieniej piać čałaviek zatrymali siłaviki ŭ Baranavičach za pratesty 2020 hoda