Kiraŭnica pradstaŭnictva «Biełavija» ŭ Čechii patrabavała ad KDB daviedku ab stažy
Hramadzianka Biełarusi Natalla Astapovič, jakaja žyvie ŭ Čechii, patrabavała ad KDB paćvierdzić pieryjad słužby ŭ orhanach dla zaličeńnia ŭ ahulny staž pracoŭnaj dziejnaści. Jaje list znajšoŭsia va ŭzłamanaj «Kibierpartyzanami» bazie danosaŭ u KDB, zaŭvažyła Reform.news.
29.04.2024 / 19:05
Fota ilustracyjnaje
«Pavažanaje spadarstva, prašu paćvierdzić pieryjad słužby (hł. dadatak) dla zaličeńnia ŭ ahulny staž pracoŭnaj dziejnaści. Raźlik stažu i afarmleńnie maich dakumientaŭ pravodziać orhany sacabarony horada Asipovičy, Mahiloŭskaj vobłaści. Taksama prašu rastłumačyć pytańnie i praceduru atrymańnia piensii za hety pieryjad słužby.
Prašu adkazać mnie na paznačany jemejł abo teł. Mahčyma mnie adkazvać i na słužbovy jemejł natallia.astapovich@belavia.by (źviarnicie ŭvahu, što ŭ adrasie «Biełavija» ŭ mianie ŭ imieni padvojnaja litara L).
Nie mahu prymacavać skan-kopiju pracoŭnaj knižki, tamu što prymaje tolki 1 fajł. Ja padavała padobny zvarot takim ža sposabam u traŭni 2023-ha, ale adkazu nie atrymała. Zahadzia dziakuju», — napisała Natalla Astapovič 11 žniŭnia 2023 hoda.
U jaki pieryjad Astapovič słužyła ŭ KDB, z zapisaŭ bazy vyśvietlić nie ŭdałosia. Dałučanyja fajły zachoŭvalisia asobna.
U sacyjalnych sietkach Natalla Francaŭna Astapovič dahetul paznačaje ŭ jakaści svajho miesca pracy kampaniju «Biełavija» (Director CZ / SK — BELAVIA — Belarusian Airlines).
Cikava, što ź listapada 2021 hoda jana ličycca vykanaŭčaj dyrektarkaj češskaj kampanii TELS GLOBAL CZ s.r.o. Kampanija naležyć fihurantam rejtynhu Top-100 najbujniejšych biznesmienaŭ Biełarusi Ivanu Šachoviču i Uładzimiru Tajanku.
Stała viadoma, z-za čyjho danosu najchutčej apynułasia za kratami 75-hadovaja babrujčanka
«Ja nie donosił, my žie družim». Kak opravdyvajutsia stukači
Biełarusy napisali 40 tysiač danosaŭ? Nie, heta niepraŭdzivaje śćvierdžańnie
Supracoŭnica Centralnaha RUUS Minska napisała danos na načalnika. A jaho ŭziali i pavysili