Кадыраў прызначыў свайго 16-гадовага сына куратарам прыватнага ўніверсітэта спецназа імя Пуціна
Сваякі і блізкія Рамзана Кадырава рэгулярна атрымліваюць узнагароды розных узроўняў і пасады ў Чачні.
29.04.2024 / 08:08
Адам і Рамзан Кадырава. Фота з сайта championat.com
Кіраўнік Чачэнскай рэспублікі Рамзан Кадыраў прызначыў свайго сына Адама куратарам «Расійскага ўніверсітэта спецназа імя Уладзіміра Пуціна» ў Гудэрмесе, аб чым напісаў у сваім тэлеграм-канале.
«Па просьбе дарагога брата, кіраўніка РУС Байбетара Вайханава, я прыняў рашэнне прызначыць Адама Кадырава куратарам РУС. Ён цесна знаёмы з дзейнасцю знакамітага ўніверсітэта таму я лічу, што выдатна справіцца з ускладзенымі абавязкамі», — напісаў Кадыраў.
Кадыраву-малодшаму пачалі ўручаць узнагароды і прызначаць яго на высокія пасады пасля таго, як ён збіў у следчым ізалятары абвінавачанага ў спаленні Карана Мікіту Жураўля, якога пазней прыгаварылі да 3,5 года калоніі, піша «Настоящее время»
Тым часам Адам Кадыраў стаў «Героем Чачні», начальнікам аддзела гарантавання бяспекі свайго бацькі і куратарам батальёна імя шэйха Мансура.
Сваякі і блізкія Рамзана Кадырава рэгулярна атрымліваюць узнагароды розных узроўняў і пасады ў Чачні. Так, 16 лютага яго старэйшую дачку ўзнагародзілі ордэнам так званай «ДНР». За некалькі дзён да гэтага другая дачка Кадырава, 24-гадовая Хадзіжат, была прызначаная першым намеснікам кіраўніка адміністрацыі кіраўніка і ўрада Чачні.
Кадыраў выклаў відэа са спартыўнай залы на фоне навінаў пра небяспечную хваробу
Хлопцу, які спаліў Каран і якога збіў сын Кадырава, далі тры з паловай гады калоніі
Рамзан Кадыраў прызначыў свайго 18-гадовага сына міністрам