Z 1 maja ŭ Biełarusi daražejuć cyharety
Ministerstva padatkaŭ i zboraŭ paviedamiła, što z 1 maja padaražejuć cyharety. Ceny padymucca na 77 marak, padaražańnie składzie ad 5 da 45 kapiejek.
25.04.2024 / 20:12
Fota: syech imam Al Kautsar / vecteezy.com
Daražeje pradukcyja pradpryjemstvaŭ «Tytuń-Inviest», «Sientoni PRO» i cyharety, jakija ŭvozić «Biełaruśhandal». U toj ža čas pradukcyja ad tytuniovaj fabryki «Nioman» i «Inter tabaka», a taksama impart «Sientoni PRO» daražeć hetym razam nie buduć.
Naprykład, marka Sobranie Caster padaražeje na 45 kapiejek. Na 30 kapiejek padaražejuć niekalki marak ad «Sientoni PRO». Na «Karonu» i «Fort» kampanii «Tytuń-Inviest» cana vyraście na 5 kapiejek.
Akramia taho, «Sientoni PRO» pačnie vyrablać novyja dla Biełarusi marki cyharet, a taksama ŭvozić novyja dla siabie marki. Naprykład, vyrablacca buduć Kent Nano Feel (6,75 rubla), Pall Mall Nano Aroma Brown i Pall Mall Nano Aroma Red (pa 5,50 rubla). Uvozić ža kampanija płanuje, naprykład, Camel Compact i Camel Compact Blue (pa 5,50 rubla).
U biełaruskich vytvorcaŭ i imparcioraŭ cyharet jość prava na štomiesiačnuju dekłaracyju maksimalnych roźničnych cen na tytuniovyja vyraby. I z pačatku hetaha hoda cyharety daražejuć kožny miesiac.
Jak maje pracavać schiema pa abychodžańni sankcyj, nakładzienych na vytvorcaŭ cyharet
U Biełarusi źjaviłasia novaja kampanija — vytvorca cyharet. Ale nie novaje proźvišča jaje ŭładalnika
U Polščy znajšli paŭmiljona pačkaŭ biełaruskich kantrabandnych cyharetaŭ. Ich pieravoziŭ litoviec