Dvaich biełarusaŭ zavočna asudzili za ŭdzieł u mirnych schodach
12 krasavika vyniesieny prysud u dačynieńni da 35-hadovaha Jaŭhiena Prudnikava i 31-hadovaj Volhi Prudnikavaj — biełarusaŭ, jakich zavočna sudzili pavodle «narodnaha» art. 342 KK. Prysud ahučyła sudździa Volha Caryk, piša «Viasna».
25.04.2024 / 17:59
Dokazami pa spravie byli fotazdymki z fejsbuka Volhi Prudnikavaj z Maršaŭ, pakazańni śviedkaŭ, jakija nibyta paćvierdzili «fakt najaŭnaści pieršapačatkovaj damoŭlenaści z abvinavačanami na sumiesny ŭdzieł u niesankcyjanavanych masavych mierapryjemstvach u centralnaj častcy Minska».
Taksama ŭ jakaści dokazaŭ vykarystoŭvali danyja sotavych złučeńniaŭ.
Takim čynam, Jaŭhiena i Volhu pryznali vinavatymi i asudzili zavočna da dvuch hadoŭ pazbaŭleńnia voli ŭ kałonii va ŭmovach ahulnaha režymu.
Taksama viadoma, što ich majomaść vyzvalenaja ad aryštu, bo majomasnych spahnańniaŭ im nie vystavili: škoda «Minsktransu» była całkam kampiensavanaja inšymi ŭdzielnikami mirnych schodaŭ.
Viaskoviec z-pad Viciebska reposnuŭ fota Łukašenki ŭ «Adnakłaśnikach». Jaho asudzili na hod kałonii
Pradali na aŭkcyjonie kvateru pravaabaronca Łabkoviča
Źniavolenamu žurnalistu Dzianisu Ivašynu zabaranili pieradačy ź vitaminami