Вікторыя Азаранка выйшла ў трэці круг Australian Open
21.01.2010 / 11:23
Беларуская тэнісістка Вікторыя Азаранка (7-е месца ў сусветным рэйтынгу) выйшла ў трэці круг адкрытага чэмпіянату Аўстраліі. 21 студзеня ў 1/32 фіналу яна перамагла швейцарку Стэфані Фёгеле (74) — 6:4, 6:0.
У стартавым матчы Азаранка была мацнейшай за францужанку Стэфані Каэн-Аларо (116) — 6:2, 6:0.
Наступная саперніца беларускі вызначыцца ў матчы
Таццяна Гарбін (Італія, 62) — Яраслава Шведава (Казахстан, 52).
Найвышэйшым дасягненнем Азаранкі на гэтым турніры з’яўляецца выхад у чацвёрты круг (у 2009 годзе).