Данейка: У Нацбанку шмат прафесіяналаў, якія б маглі рухаць рэформы
Вядомы эканаміст, адміністратыўны дырэктар Цэнтра эканамічных даследаванняў BEROC Павел Данейка ў новым выпуску ТОКу выказаўся пра сённяшніх чыноўнікаў і назваў лічбу колькасці кадраў для правядзення рэформ.
21.04.2024 / 15:33
На думку Паўла Данейкі, шмат хто з беларускіх чыноўнікаў заслугоўвае добрага слова.
«Мы супрацоўнічалі з эканамічным блокам. Там дастаткова шмат прафесіяналаў, напрыклад, у Нацбанку, якія маглі б рухаць рэформы», — адзначыў эксперт.
Данейка згадаў, што калісьці ў размове з Яраславам Раманчуком падлічыў, колькі неабходна чалавек, каб правесці замену кадраў у апараце, які павінен рабіць рэформы.
«Гэта было хіба, у 1995-м годзе. Ён сказаў: «Мы выйграем парламенцкія выбары, памяняем усіх і зробім рэформы». Я спытаў, колькі чалавек трэба, колькі будзе міністраў. Ён адказаў, што максімум 20 міністэрстваў. Гэта 20 міністраў. А колькі намеснікаў? Умоўна па два. А колькі ўпраўленняў? Па два пад кожным намеснікам міністра. У кожным упраўленні па два аддзелы. Акрамя гэтага трэба і абласныя цэнтры.
Я яму палічыў, што апарат, які павінен рабіць рэформы, гэта 1200 кваліфікаваных людзей з каштоўнаснай арыентацыяй. І ў маім разуменні, у нас ёсць такія людзі ў сістэме. Ну, можа, 900».
Глядзіце цалкам:
Данэйка: Элітай заўтрашняга грамадства будуць не айцішнікі
Павел Данэйка: Ніводная краіна не можа быць прыкладам для Беларусі