Maryja Vasilevič nie złujecca na tych, chto raźbiŭ jaje aŭto ŭ 2020-m: «Sprabuju zrazumieć matyvacyju čałavieka»
Byłaja deputatka Maryja Vasilevič raskazała, ci znajšli tych, chto raźbiŭ jaje mašynu, i ci daravała kryŭdzicielam.
18.04.2024 / 14:31
Fota: kp.by
Zhadvajučy pahrozy ŭ svoj adras u prahramie «Skažyniemaŭčy» madel, abaronca žyvioł i eks-deputatka Maryja Vasilevič zaŭvažyła, što nie trymaje zła na tych, chto hetym zajmaŭsia:
«Mahčyma, ja vielmi miakki čałaviek, ale navat u toj momant, kali zdaralisia niejkija napadki i zdaryŭsia prosta aburalny akt chulihanstva, kali całkam raźbili mašynu, u mianie nikoli nie naradžałasia złość da hetych ludziej. Mahčyma, niedzie bol i spačuvańnie, bo heta, jak ni kruci, niepryjemna. Ale ŭ ahulnym i cełym zaŭsiody sprabuješ zrazumieć, čamu hety čałaviek pastupaje mienavita tak, što jaho matyvuje, dzie jon zabłukaŭ, kali jon nie stvaraje, a razburaje».
Vasilevič zaŭvažyła, što tych, chto paškodziŭ jaje mašynu, tak i nie znajšli.
Nahadajem, što vypadak zdaryŭsia ŭ kancy žniŭnia 2020-ha hoda. Nočču nieviadomyja pabili šybu i prabili vostrym pradmietam dźviery ŭ mašynie Geely Atlas dziaŭčyny. Heta adbyłosia nieŭzabavie paśla taho, jak Vasilevič źmiaściła ŭ instahramie zaklik spynić hvałt u Biełarusi, naviedała pabitych pratestoŭcaŭ u Balnicy chutkaj dapamohi i paprasiła ŭ ich prabačeńnia.
«Vybačałasia pierad ludźmi»: deputatka Maryja Vasilevič naviedała źbitych padčas akcyj pratestu
Nočču ŭ Minsku nieviadomyja raźbili aŭtamabil Maryi Vasilevič
Maryja Vasilevič prapanavała ŭzmacnić adkaznaść za zachoŭvańnie porna