MZS Biełarusi vyraziŭ «hłybokuju zaniepakojenaść», ale asudžać Iran nie staŭ
MZS Biełarusi vystupiła z zajavaju z nahody ataki Irana na Izrail.
14.04.2024 / 11:51
MZS Biełarusi. Fota: Wikimedia Commons
«Biełaruś hłyboka zaniepakojenaja eskałacyjaj situacyi ŭ blizkaŭschodnim rehijonie. My paśladoŭna vystupajem za mirnaje ŭrehulavańnie kanfliktu na Blizkim Uschodzie palityka-dypłamatyčnymi srodkami.
Źviartajemsia da ŭsioj suśvietnaj supolnaści, mižnarodnych arhanizacyj pryniać miery i kansalidavać namahańni dla nieadkładnaj stabilizacyi stanovišča», — havorycca ŭ zajavie.
Hramadzianam Biełarusi, jakija płanujuć pajezdki ŭ rehijon, MZS raić «stroha ŭličvać situacyju, jakaja składvajecca, i adsočvać aficyjnyja paviedamleńni avijacyjnych uładaŭ adnosna ŭviadzieńnia abmiežavańniaŭ na vykarystańnie pavietranaj prastory, a taksama ab prypynieńni pracy aeraportaŭ».
Iran zajaviŭ pra zaviaršeńnie apieracyi suprać Izraila
Rada Biaśpieki AAN źbiarecca ŭ niadzielu na ekstrannaje pasiadžeńnie
Bajden zajaviŭ, što Izrail i ZŠA źbili amal usie zapuščanyja Iranam rakiety