Dyrektar biełaruskaha liceja ŭ Hajnaŭcy atrymaŭ mandat na miascovych vybarach u Polščy
Etničny biełarus Ihar Łukašuk atrymaŭ mandat pradstaŭnika ŭ siejmiku Padlaskaha vajavodstva, dzie budzie adstojvać pravy nacyjanalnaj mienšaści, paviedamlaje «Biełsat».
10.04.2024 / 13:00
Ihar Łukašuk, dyrektar II Ahulnaadukacyjnaha liceja z dadatkovym vyvučeńniem biełaruskaj movy ŭ Hajnaŭcy, vystupaje pierad udzielnikami Mižnarodnaha dnia biełaruskaj adukacyi ŭ Biełastoku. 3 červienia 2023 hoda. Fota: Jan Lisicki / Biełsat
Dyrektar Hajnaŭskaha liceja ź biełaruskaju movaju navučańnia Ihar Łukašuk bałatavaŭsia pavodle śpisu «Hramadzianskaj kaalicyi» ad piaci pavietaŭ Padlaskaha vajavodstva (Biełastockaha, Bielskaha, Vysokamazavieckaha, Hajnaŭskaha i Siamiatyckaha).
Palityk naradziŭsia ŭ Hajnaŭcy ŭ 1978 hodzie. Z 2018-ha — deputat siejmiku Padlaskaha vajavodstva, z 2014 da 2018 hoda kiravaŭ radaju Bielsku-Padlaskaha. Padčas pierapisu 2021 hoda, jaki prachodziŭ u Polščy, Łukašuk aktyŭna ahitavaŭ etničnych biełarusaŭ na Biełastoččynie, kab paznačali siabie jak biełarusaŭ. Atrymaŭ miedal «Honar i hodnaść» ad Abjadnanaha pierachodnaha kabinietu Biełarusi za zachavańnie biełaruskamoŭnaha statusu svajoj navučalnaj ustanovy.
Čytajcie taksama:
Biełarusy za try dni sabrali nieabchodnuju sumu dla byłoj salistki Bresckaj fiłarmonii
Kadebešniki sprabujuć vierbavać biełarusaŭ-emihrantaŭ praź ich baćkoŭ — što viadoma?
Palityčnyja represii ŭ Biełarusi vyjšli na płato, i jano budzie zachoŭvacca — sacyjołah Koršunaŭ