Каму медыкі рэкамендуюць прышчапіцца ад кавіду гэтай вясной
У сталіцы захворванне на COVID-19 істотна скарацілася і знаходзіцца на нізкім узроўні.
10.04.2024 / 09:25
Фота: Julia Borodun Belarus Health Ministry via AP
Выпадкаў цяжкага працякання кавід-інфекцыі няма. Пра гэта распавёў старшыня Камітэта аховы здароўя Мінгарвыканкама Ігар Юркевіч, пішуць Мінск-навіны.
— Многія людзі перахварэлі, некаторыя па некалькі разоў, — адзначыў і.Юркевіч. — Таксама актыўна прышчапляліся, таму сфармавалася імунная праслойка.
Разам з тым сёння зрабіць прышчэпку ад каранавіруснай інфекцыі — не праблема. Вакцыны, у тым ліку для бустэр, ёсць у дзіцячых і ў дарослых паліклініках.
— Вакцынацыя рэкамендавана людзям з аслабленым імунітэтам, з хранічнымі захворваннямі сардэчна-сасудзістай, эндакрыннай сістэм, перш за ўсё з цукровым дыябетам, — растлумачыў і.Юркевіч.
Нагадаем, што ўлады з ліпеня 2022 года не паведамлялі лічбы захварэлых на кавід.
Будаўніцтва завода па вырабе беларускай вакцыны ад кавіду спынілі
За час пандэміі кавіду звёўся адзін са штамаў грыпу
«У маім калектыве з 20 чалавек прышчэпку зрабілі два — астатнія вакцыны вылілі ва ўмывальнік»