U Breście za padziei žniŭnia 2020 hoda asudzili adrazu šeść čałaviek
Sud Leninskaha rajona Bresta pryznaŭ vinavatymi pavodle art. 342 Kryminalnaha kodeksu za ŭdzieł u pratestach u Breście ŭ noč z 10 na 11 žniŭnia 2020 hoda, piša «Viasna».
09.04.2024 / 15:20
Zhodna z abvinavačańniem, 10-11 žniŭnia 2020 hodu jany znachodzilisia na prajeznaj častcy praśpiektaŭ i vulicaŭ Bresta, vykrykvali łozunhi, demanstravali nacyjanalnyja ściahi i pieraškadžali ruchu hramadskaha transpartu. Jany pryznali vinu.
Vitalu Čarkasavu prysudzili 2,5 hady pazbaŭleńnia voli ŭ kałonii va ŭmovach ahulnaha režymu.
Arciomu Zavadzie i Uładzisłavu Barysavu pryznačyli pazbaŭleńnie voli terminam na dva hady ŭ kałonii va ŭmovach ahulnaha režymu.
Arcioma Kadyrava asudzili da hoda pazbaŭleńnia voli ŭ kałonii va ŭmovach ahulnaha režymu. U 2020 hodzie, kali jon udzielničaŭ u schodzie, jamu było 16 ci 17 hadoŭ.
Alaksandra Žuka — da pazbaŭleńnia voli terminam na 2,5 hady pazbaŭleńnia voli. Viadoma, što jaho raniej užo sudzili pavodle taho ž artykuła, tamu jahonaje pakarańnie skłali šlacham pahłynańnia mienš strohaha pakarańnia bolš strohim.
Maryju Losik — da 2,5 hadoŭ abmiežavańnia voli biez nakiravańnia ŭ PUAT — «chatniaj chimii».
Žychara Pietrykava, jaki viarnuŭsia z-za miažy, asudzili na 10 hadoŭ kałonii
Žurnalistu Alaksandru Ihnaciuku prysudzili vialiki termin źniavoleńnia
Maci palitviaźnia ŭ treci raz buduć sudzić za atrymańnie dapamohi