Zvolnieny Chackievič atrymaje kampiensacyju ad polskaha kłuba
Alaksandr Chackievič byŭ zvolnieny z «Zahłembie « 4 krasavika. Pry heta kłub z Sasnoŭca nie zmoh damovicca ź biełaruskim trenieram ab razryvie kantraktu pa pahadnieńni bakoŭ.
06.04.2024 / 13:04
Alaksandr Chackievič
Chackievič adchiliŭ takuju prapanovu. U vyniku kantrakt ź biełarusam byŭ skasavany ŭ adnabakovym paradku, paviedamlaje Sport.ua.
Trenier atrymaje ad kłuba hrašovuju kampiensacyju: «Zahłembie» vypłacić Chackieviču ŭvieś zarobak, jaki jamu naležyŭ da zakančeńnia siezona.
Chackieviča zvolnili na fonie pravalnych vynikaŭ kamandy ŭ druhim polskim dyvizijonie.
«Zahłembie» zajmaje apošniaje miesca ŭ tablicy, ad vyratavalnaha 12-ha radka kamanda adstaje na 12 bałaŭ za dzieviać turaŭ da finišu. Razam z trenieram kłub pakinuŭ jašče adzin biełarus: spartyŭny dyrektar Michaił Zaleŭski.
U sieradu fanaty «Zahłembie» prarvalisia na treniroŭku kamandy i ŭdaryli Chackieviča. Kłub paabiacaŭ razabracca ŭ situacyi, na nastupny dzień biełarusa zvolnili.
Čytajcie taksama:
Biełarusy Chackievič i Zaleŭski pakidajuć polskaje «Zahłembie»
Hulcy «Zahłembie» kažuć, što Chackievič staviŭsia da ich jak da śmiećcia