Syn byłoha śpikiera Pałaty pradstaŭnikoŭ Andrejčanki taksama pakidaje vysokuju pasadu
Ahulny schod udzielnikaŭ uchvaliŭ rašeńnie Uładzisłava Andrejčanki ab sychodzie z pasady hienieralnaha dyrektara STAA «Mabilnyja Telesistemy», paviedamili ŭ pres-słužbie kampanii.
05.04.2024 / 16:06
Uładzisłaŭ Andrejčanka
«Ja pryniaŭ rašeńnie ab zaviaršeńni pracy na pazicyi hienieralnaha dyrektara STAA «Mabilnyja Telesistemy». Siońnia — moj apošni pracoŭny dzień u MTS», — paviedamiŭ Uładzisłaŭ Andrejčanka.
Dahetul jon pryśviaciŭ kampanii 18 hadoŭ. Pryjšoŭšy ŭ jaje ŭ 2006 hodzie, jon da pryznačeńnia na pasadu hienieralnaha dyrektara ŭ kastryčniku 2021 hoda pracavaŭ na kiraŭničych pasadach u Viciebskim i Mahiloŭskim filijałach.
Uładzisłaŭ Andrejčanka — syn Uładzimira Andrejčanki, jaki ažno čatyry sklikańni byŭ śpikieram Pałaty pradstaŭnikoŭ. U hetym hodzie, adnak, u deputaty jaho nie pryznačyli.
Čytajcie taksama:
Abrali novaha staršyniu Pałaty pradstaŭnikoŭ. Adzinahałosna i bieź intryhi
U Biełarusi ź‘iaviŭsia šosty poŭny kavaler ordena Ajčyny. Chto jon?