Palitviaźnia Alaksandra Cialehu, jaki viarnuŭsia z Narylska, chočuć pieravieści na turemny režym
Učora, 3 krasavika, u Ivacevičach adbyŭsia sud pa zamienie Alaksandru režymu ŭtrymańnia, pa vynikach jakoha palitviaźnia mohuć pieravieści ŭ turmu.
04.04.2024 / 12:19
Spravu razhladaŭ sudździa Siarhiej Kuchackavalec, ale vynik suda pakul nieviadomy, piša «Viasna».
Alaksandr — doktar-nieŭrołah z Barysava. Jon pracavaŭ u rasijskim Narylsku, a na radzimu pryjechaŭ u krasaviku 2021 hoda ŭ adpačynak.
3 maja 2021 hoda jaho zatrymali za kamientary ŭ internecie.
U sudzie Leninskaha rajona Hrodna 21 studzienia 2022 hoda Alaksandra asudzili da čatyroch hadoŭ kałonii. Na sudzie stała viadoma, što adzin z paciarpiełych pa spravie źbivaŭ Cialehu pry zatrymańni.
1 listapada 2022 hoda nad palitviaźniem raspačaŭsia novy praces u sudzie Puchavickaha rajona znoŭ za kamientary. U vyniku sud pryznačyŭ jamu adzin hod źniavoleńnia, ale šlacham pahłynańnia bolš strohaha pakarańnia mienš strohim termin pakinuli raniejšym.
***
Padtrymajcie Alaksandra: PK № 22. 225295, Bresckaja vobłaść, h. Ivacevičy, st. Damanava, a/s 20, Alaksandr Anatoljevič Cialeha
Čytajcie taksama:
Ryhoru Kastusiovu ŭ turmie zrabili apieracyju
Žančynu asudzili pa fota z Maršaŭ, jakija zachavalisia na vobłaku jaje telefona