Izrail rychtujecca da ataki Irana
Amierykanskaja raźviedka papiaredziła ŭłady Izraila ab mahčymym vajennym adkazie Irana na avijaŭdar pa iranskim konsulstvie ŭ Damasku. Pa danych CRU, Iran moža atakavać Izrail užo ŭ najbližejšyja 48 hadzin.
04.04.2024 / 11:19
Transpartnyja srodki prajazdžajuć mima antyizrailskaha baniera, na jakim — izrailskija vajskovyja čynoŭniki z čyrvonymi mišeniami na tvarach. Tehieran, 3 krasavika, 2024 h. Fota: AP Photo/Vahid Salemi
Pa dadzienych Al Mayadeen, Iran płanuje kambinavanuju ataku z «daždžom» bieśpiłotnikaŭ i rakiet, vypuščanych sa svaich baz pa stratehičnych miescach u Izraili.
Jak paviedamlajecca, Izrail pastaviŭsia da papiaredžańnia surjozna. U krainie abvieščana mabilizacyja reziervistaŭ, u pieršuju čarhu zaklikali apierataraŭ izrailskaj zienitna-rakietnaj sistemy «Žalezny kupał». Uzbrojenyja siły krainy pryviedzieny ŭ poŭnuju bajavuju hatoŭnaść.
1 krasavika VPS Izraila nanieśli ŭdar pa pasolstvie Irana ŭ stalicy Siryi. Zahinuli nie mienš za siem čałaviek, u tym liku kamandzir padraździaleńnia «Al-Kuds» Korpusa vartavych isłamskaj revalucyi, hienierał Machamad Reza Zachiedzi.
Izrailskija ŭłady aficyjna nijak nie kamientavali paviedamleńni ab udary. Vydańniu The New York Times u administracyi Izraila na ŭmovach ananimnaści paćvierdzili, što ataku ździejśnili vajskoŭcy hetaj krainy. Surazmoŭcy vydańnia nastojvali, što ŭ abjekta, pa jakim nanieśli ŭdar, nie było statusu dypłamatyčnaj ustanovy, i tamu jon byŭ «zakonnaj cellu».
Čytajcie taksama:
Biełaruś uvachodzić u lik krain z samym nizkim uzroŭniem teraryzmu
Arabski śviet nie choča dapamahać ahienctvu AAN, čyje supracoŭniki zabivali i vykradali izrailcian