Жыхароў Віцебска папярэдзілі пра абмежаванне руху з-за вучэнняў
Мясцовыя ўлады просяць жыхароў абласнога цэнтра і раёна захоўваць спакой.
04.04.2024 / 09:26
Фота: прэс-служба ўнутраных войск
Абмежаванне руху транспарту можа ўводзіцца ў Віцебску ў чацвер у сувязі са спецыяльнымі вучэннямі, паведамілі ў Віцебскім аблвыканкаме.
«У раёне Віцебскага аэрапорта і на тэрыторыі Віцебскага раёна праводзіцца тактыка-спецыяльнае вучэнне з удзелам сілавых ведамстваў і дзяржаўных органаў», — гаворыцца ў паведамленні.
Там таксама адзначаецца, што мерапрыемствы працягнуцца з 09: 00 да 24:00.
Сцэнар вучэнняў прадугледжвае задзейнічанне вайсковай і спецыяльнай тэхнікі. Акрамя таго, магчыма абмежаванне руху транспартных сродкаў.
Мясцовыя ўлады просяць жыхароў абласнога цэнтра і раёна захоўваць спакой.
Чытайце таксама:
Караніка і іншых вертыкальшчыкаў адправілі «ваяваць» пад Воранава ФОТЫ
Адразу ў чатырох раёнах пройдуць вучэнні тэрытарыяльнай абароны, у тым ліку на мяжы з Літвой