«Ja vas vielmi lublu i mocna-mocna sumuju». Štučny intelekt čytaje hołasam Maryi Kaleśnikavaj jaje list
Štučny intelekt čytaje hołasam Maryi Kaleśnikavaj apošni atrymany ad jaje list, datavany 9 studzienia 2023 hoda. Bolš za hod pra Maryju niama nijakich viestak.
03.04.2024 / 22:18
«Apošnija try z pałovaj hady my čujem hołas Maryi tolki praz archiŭnyja videazapisy. Rodnyja nie razmaŭlali ź joj pa telefonie bolš za hod, choć Maryja maje prava na štotydniovyja zvanki», — paviedamlaje štab Viktara Babaryki.
Voś što Maryja pisała ŭ adnym ź listoŭ da svajho baćki: «Ja zaŭsiody dumaju pra vas z Taniaj [siastra Maryi], hetyja dumki mianie sahravajuć, i ja navat zabyvaju, dzie ja znachodžusia, tamu ja zaŭsiody pobač. Lublu i mocna abdymaju. Tvaja dačka».
Maryju Kaleśnikavu zatrymali 7 vieraśnia 2020 hoda i praz hod asudzili na 11 hadoŭ kałonii. Svajo pakarańnie paplečnica Viktara Babaryki adbyvaje ŭ homielskaj žanočaj kałonii. Ź lutaha 2023 hoda pra jaje ničoha nie viadoma.
Čytajcie taksama:
400 dzion tamu źnikła suviaź z palitźniavolenym Mikołam Statkievičam
Cichanoŭskaja: My dahetul nie viedajem, čaho choča režym, palitviaźni dla jaho ciapier nie prablema
MZS Biełarusi adkazała Jeŭrasajuzu na zakliki vyzvalić palitviaźniaŭ i spynić ich katavańni