Žančynu asudzili pa fota z Maršaŭ, jakija zachavalisia na vobłaku jaje telefona
U sudzie Maskoŭskaha rajona Minska za ŭdzieł u troch paślavybarčych Maršach u 2020 hodzie da troch hadoŭ «chatniaj chimii» asudzili 49-hadovuju buchhałtarku Natallu Chłyzovu.
03.04.2024 / 11:44
Ilustracyjnaje fota
Sudździa Julija Varaksa pryznała jaje vinavataj pavodle č. 1 art. 342 Kryminalnaha kodeksa (aktyŭny ŭdzieł u dziejańniach, jakija hruba parušajuć hramadski paradak), piša «Viasna».
Žančynu abvinavacili ŭ tym, što padčas troch akcyj pratestu jana vychodziła na prajeznyja častki i «błakavała i zaminała transpartnym srodkam».
Padčas udziełu ŭ Maršach Natalla rabiła fatahrafii siabie i muža, a taksama asob, jakija ŭdzielničali Maršach, na svoj telefon. Ahułam milicyjanty znajšli siem fotazdymkaŭ z pratestaŭ, jakija zachavalisia na vobłačnym schoviščy.
U pratakołach ahladu niekatorych fota paznačana, što «fatohraf raźmiaščajecca na prajeznaj častcy darohi».
Čytajcie taksama:
Biznesoŭcu z Maładziečna dali šeść hadoŭ kałonii za danaty Pałku Kalinoŭskaha i «Bajsołu»
Palčyk suprać Palčyka. Nastaŭnika fizkultury asudzili za «abraźlivy» kamientar
Udzielniku pratestaŭ u Baranavičach dali 25 hadoŭ asobaha režymu. Ale jość niuans