Адключаць ацяпленне ў Мінску пакуль не плануюць
З улікам прагназаванага пахаладання адключэнне ацяплення ў Мінску пакуль не плануецца ні ў якой з груп спажыўцоў. Пра гэта Мінск-Навінам паведаміў намеснік начальніка ўпраўлення гарадской гаспадаркі і энергетыкі Мінгарвыканкама Дзмітрый Марцінкевіч.
03.04.2024 / 08:16
Ілюстрацыйнае фота «Наша Ніва»
Рашэнне пра заканчэнне ацяпляльнага сезона ў Мінску прымае Мінгарвыканкам. Пры гэтым спецыялісты кіруюцца патрабаваннямі правілаў падрыхтоўкі арганізацый да ацяпляльнага сезона, яго правядзення і завяршэння.
Яны кажуць, што ацяпленне спажыўцоў сацыяльнай сферы (бальніцы, дзіцячыя сады, школы) прыпыняецца пры ўсталяванні сярэднясутачнай тэмпературы вонкавага паветра +10 градусаў, у жылым фондзе — пры +8 градусах на працягу трох дзён, а таксама пры спрыяльным далейшым прагнозе надвор'я.
Калі з пацяпленнем у кватэры стала занадта горача, пра гэта варта паведаміць на 115. Спецыялісты адрэгулююць падачу цяпла.
Зрэшты, у пераважнай большасці шматкватэрных дамоў горада ўстаноўлены сістэмы аўтаматычнага рэгулявання цепласпажывання, якія рэагуюць на тэмпературу на вуліцы і кантралююць падачу цепланосбіта зыходзячы з яе.
Чытайце таксама: