Southwind Airlines admianiaje palotnuju prahramu Minsk — Stambuł
Usie turysty buduć vyviezienyja, arhanizacyjnyja pytańni vyrašajucca.
01.04.2024 / 14:01
Southwind Airlines admianiaje palotnuju prahramu Minsk — Stambuł. Pra heta prainfarmavała svaich partnioraŭ-turahientaŭ kampanija Pegas Touristik Belarus.
«Infarmujem ab admienie palotnaj prahramy Minsk — Stambuł z 1.04.2024 avijakampanii Southwind Airlines. Usie zabraniravanyja zajaŭki z vyletam 30.03.2024 h. i dalej buduć anulavanyja»,— paviedamlaje apieratar.
Jak paviedamlajuć u kampanii Pegas Touristik, usie turysty buduć vyviezieny, arhanizacyjnyja pytańni vyrašajucca. Častka turystaŭ sa Stambuła ŭžo vyvieziena, častka — vyvozicca. Usim turystam zabiaśpiečyli pražyvańnie i charčavańnie. Vyvaz turystaŭ robicca roznymi avijakampanijami — u tym liku «Biełavija», Azurair, «Aerafłot» i inšymi.
Raniej stała viadoma, što avijakampanii Southwind Airlines zabaranili lotać nad Jeŭrasajuzam, dzie pralahali maršruty jaje rejsaŭ. Hetaje rašeńnie abhruntavali suviaziami z Rasijaj, bo prynaležnaść avijakampanii Turcyi tolki farmalnaja.
U subotu byŭ admienieny adzin rejs Southwind Airlines ź Minska ŭ Stambuł, a druhi zatrymany i vylecieŭ kala 16:00. Jon palacieŭ praz terytoryju Rasii.
Čytajcie taksama:
«Tureckaj» Southwind Airlines zabaranili lotać nad ES. Siońniašni rejs ź Minska admienieny
Ź Minska ŭ Stambuł možna budzie dalacieć na dźvie hadziny chutčej, čym ciapier. Jak takoje mahčyma?