U sieradu pachaładaje da +8°S, mahčymy mokry śnieh. I heta taksama nie pieršakrasavicki žart
Prahnoz nadvorja pa Biełarusi na 2-4 krasavika.
01.04.2024 / 13:45
U aŭtorak jašče budzie ciopła. Praŭda, ranicaj i dniom na bolšaj častcy terytoryi krainy čakajucca karotkačasovyja daždžy, miescami mocnyja daždžy. U mnohich rajonach prahrymiać navalnicy.
Nočču +10..+15°S, maksimalnaja dniom +21..+26°S, pa zachadzie Biełarusi jana składzie +14..+20°S. U Minsku da +24°S, mahčymy doždž.
A voś ź sierady pachaładaje. Umovy nadvorja budzie farmiravać chałodnaja tyłavaja častka cykłonu, centr jakoha budzie pieramiaščacca z Łatvii na Leninhradskuju vobłaść. Mahčymy mokry śnieh, nočču miescami pa krainie čakajecca mocny doždž. Viecier zachodniaj čverci ŭmierany, u mnohich rajonach mocny paryvisty.
Nočču +3..+9°S, maksimalnaja dniom składzie ad +5°S pa poŭnačy da +15°S pa paŭdniovym uschodzie krainy. U Minsku maksimalna +9°S.
4 krasavika, u čaćvier, dniom miescami pa krainie projduć nievialikija karotkačasovyja apadki (doždž, mokry śnieh). Unačy i ranicaj na asobnych učastkach daroh hałalodzica.
Nočču -3..+4°S, maksimalnaja dniom +3..+10°S, pa paŭdniovym zachadzie krainy da +12°S. U Minsku, pavodle pogoda.by, dniom +4°S.
Adnak pavodle papiarednich raźlikaŭ u kancy tydnia znoŭ paciapleje. U Minsku ŭ subotu čakajecca +15°S, u niadzielu +20°S.
Čytajcie taksama:
U Biełarusi siońnia było da +27 hradusaŭ
Jak letam. U niadzielu da +25°S
U Viciebsk viarnulisia busły. A heta dakładnaja prykmieta viasny