Bolš za 40 turystaŭ ź Biełarusi zastajucca ŭ Stambule z-za admieny rejsa Southwind Airlines
Bolš za 40 turystaŭ ź Biełarusi zastajucca ŭ Stambule praz skasavańnie rejsa Southwind Airlines, paviedamlaje telekanał ANT. Samalot čakali ŭ Minsku dniom 30 sakavika, adnak za niekalki hadzin da vyletu źjaviłasia infarmacyja ab admienie rejsa.
30.03.2024 / 20:28
Fota ilustracyjnaje
Ciapier hrupa biełaruskich hramadzian znachodzicca ŭ hateli. Jak zapeŭniŭ turecki avijapieravozčyk, hrupa biełaruskich turystaŭ vierniecca dadomu zaŭtra. Vylet sa Stambuła pryznačany na 8-ju hadzinu viečara.
Raniej stała viadoma, što avijakampanii Southwind Airlines zabaranili lotać nad Jeŭrasajuzam, dzie pralahali maršruty jaje rejsaŭ. Hetaje rašeńnie abhruntavali suviaziami z Rasijaj, bo prynaležnaść avijakampanii Turcyi tolki farmalnaja.
Siońnia byŭ admienieny adzin rejs Southwind Airlines ź Minska ŭ Stambuł, a druhi zatrymany i vylecieŭ kala 16:00. Jak śviedčyć Flightradar, jon palacieŭ praz terytoryju Rasii.
Čytajcie taksama:
Rejs Minsk-Stambuł kampanii Southwind Airlines palacieŭ, ale praz Rasiju
«Tureckaj» Southwind Airlines zabaranili lotać nad ES. Siońniašni rejs ź Minska admienieny
Ź Minska ŭ Stambuł možna budzie dalacieć na dźvie hadziny chutčej, čym ciapier. Jak takoje mahčyma?