У школах Белгарада і прыгранічных муніцыпалітэтаў у чацвёртай чвэрці ўвядуць дыстанцыйнае навучанне
На ўсіх астатніх тэрыторыях Белгарадскай вобласці, як і было раней, вочнае навучанне
30.03.2024 / 09:04
Губернатар Белгарадскай вобласці Вячаслаў Гладкоў заявіў, што па выніках пасяджэння аперштаба было вырашана перавесці на дыстанцыйнае навучанне ў чацвёртай чвэрці школы «прыгранічных муніцыпалітэтаў плюс Белгарад, плюс Якаўлеўская гарадская акруга».
На ўсіх астатніх тэрыторыях Белгарадскай вобласці, як і было раней, вочнае навучанне, удакладніў кіраўнік рэгіёна. Прычына — абстрэлы з боку Украіны.
Ён таксама заявіў, што 5 тыс. дзяцей ужо вывезены з Белгародскай вобласці ў іншыя рэгіёны Расіі. Учора 1300 дзяцей прыбылі ў Санкт-Пецярбург, Бранск, Махачкалу, напісаў Гладкоў.
19 сакавіка ўлады Белгарадскай вобласці заяўлялі, што прынялі рашэнне вывезці ў іншыя расійскія рэгіёны каля 9 тыс. дзяцей.
Чытайце таксама:
Уладзімір Салаўёў назваў белгарадцаў, якія скардзяцца на абстрэлы, жывёламі
Яшчэ дзве авіябомбы скінулі расійскія самалёты на Белгарадскую вобласць