Łatvija ŭśled za Polščaj pierastała puskać u Biełaruś mašyny na tranzitnych numarach
Paviedamleńni pra abmiežavańni zjavilisia ŭ pamiežnych čatach. Aficyjnaj infarmacyi niama.
27.03.2024 / 10:06
Łatvijskija pamiežniki ŭśled za polskimi pačali razvaročvać mašyny na tranzitnych numarach z abjomam ruchavika zvyš 1900 kub. sm, jakija jeduć u Biełaruś. Jak pišuć u čatach, pierahonščyki vystrailisia asobnaj kalejkaj, ich abjazdžajuć. Taksama ŭ čatach pišuć, što takoje ž rašeńnie bližejšym časam prymie Litva.
Aficyjnaj infarmacyi na hety kont niama. Biełaruski mytny kamitet tolki 25 sakavika vypuściŭ kamientar pra abmiežavańni, uviedzienyja Polščaj dla aŭto. Da taho ž, biełaruskija mytniki daviedalisia pra navaŭviadzieńni ad ŚMI.
Jeŭrasajuz uvioŭ 11-y pakiet sankcyj suprać Rasii jašče 23 červienia 2023 hoda. Siarod roznych abmiežavańniaŭ, była i zabarona na pastaŭku ŭ Rasiju novych i ŭžyvanych mašyn z abjomam ruchavika zvyš 1900 kub. sm, a taksama elektramabilaŭ i hibrydaŭ.
Dakumient byŭ apublikavany i nabyŭ moc. Jeŭrasaviet taksama ŭklučyŭ u pakiet sankcyj miechanizm «baraćby ź ich abychodam», jaki dazvolić uvodzić abmiežavańni suprać trecich krain.
Čytajcie taksama:
«Na miažy kałaps». Polšča ŭviała abmiežavańni pa ŭvozie aŭtamabilaŭ praź biełaruski pahranpierachod
Polšča pierastała prapuskać u Biełaruś lehkavyja aŭtamabili na tranzitnych numarach