Шольц: Расія не такая моцная, як зараз прынята думаць
Канцлер Нямеччыны Олаф Шольц, выступаючы з урадавай заявай у Бундэстагу ў сераду, 20 сакавіка, заклікаў не пераацэньваць сілу Расіі.
21.03.2024 / 08:37
Фота: ОСЦ
На думку Шольца, Расія не такая моцная, як зараз прынята думаць. У ваенных адносінах вайна Расіі ва Украіне, вядома, жорсткая, але ва ўнутранай палітыцы рэпрэсіўная расійская сістэма дэманструе прыкметы адсутнасці сілы, цытуе словы федэральнага канцлера Радыё Свабода.
«Калі расійскі прэзідэнт думае, што ў гэтай вайне яму трэба толькі пачакаць, і мы дадзім слабіну, то ён памыліўся. Мы будзем падтрымліваць Украіну столькі, колькі трэба».
Шольц выказаўся за ўзмацненне супрацоўніцтва ў рамках ЕС у сферы вытворчасці ўзбраенняў. Паводле яго слоў, неабходна пашырэнне супрацоўніцтва ў сферы ваеннай эканомікі, супрацоўніцтва ў справе аснашчэння саюзных краін зброяй.
Федэральны канцлер заклікаў дэпутатаў да падтрымкі расійскай апазіцыі, якая, паводле яго слоў, «выступае за тое, на што нам хочацца спадзявацца, — за тое, што некалі будзе больш свабодная, мірная Расія».
Олаф Шольц зрабіў гэтыя заявы напярэдадні двухдзённага саміту кіраўнікоў дзяржаў і ўрадаў краін ЕС у Бруселі. На сустрэчы будзе ісці размова, у прыватнасці, аб аказанні падтрымкі Украіне.
Чытайце таксама:
Расійская прапаганда вызначыла чатыры масты Нямеччыны для «ўдару ў адказ» за Крымскі мост
Чаму Макрон раптам загаварыў пра магчымы ўвод заходніх войскаў ва Украіну