Na ANT pakazali pašpart «Novaj Biełarusi» na imia nieisnujučaha kedebista. Kavaleŭski: U nas jašče navat niama ŭzoraŭ
U efiry telekanała ANT pakazali, jak śćviardžajecca, pašpart «Novaj Biełarusi» nibyta ź pieršaj probnaj partyi. Jon vydadzieny na imia Kołasava Hienadzia Balasłavaviča. Prykoł u tym, što heta nieisnujučy piersanaž, čyjo imia ŭjaŭlaje saboj abrevijaturu KHB.
19.03.2024 / 21:42
Prapahandyst Ihar Tur zapeŭnivaje, što padaŭ zajaŭku ŭ Ofis Cichanoŭskaj i atrymaŭ dakumient na vydumanaha čekista i niejkaha biełarusa ŭnutry krainy.
Jon pakazaŭ čyrvonuju knižačku i apošni razvarot dakumienta. Cikava, što na adnoj z prademanstravanych staronak tekst nadrukavany dahary nahami.
Pradstaŭnik Abjadnanaha pierachodnaha kabinieta Valer Kavaleŭski kaža, što jany nie vydavali pašparty.
«U nas jašče navat niama ŭzoraŭ. Pryjom zajavak na atrymańnie nie adkryvaŭsia», — prakamientavaŭ Kavaleŭski «Našaj Nivie».