Francuzskaje telebačańnie pakazała, dzie va Ukrainie mohuć źjavicca francuzskija vojski. Taksama i na miažy ź Biełaruśsiu
Francuzski telekanał LCI pakazaŭ na mapie Ukrainy miescy imaviernaha raźmiaščeńnia francuzskich sałdat, kali ich vyrašać tudy adpravić aficyjna. Vajskovy ekśpiert u efiry raspavioŭ, što ŭsiaho jość dva varyjanty, i adzin ź ich — ukrainska-biełaruskaja miaža.
20.03.2024 / 07:00
Kadr z efiru francuzskaha telekanała LCI, na jakim adlustravana mapa Ukrainy i miescy imaviernaha raźmiaščeńnia tam francuzskich sałdat
Francuzski pałkoŭnik u adstaŭcy Vincent Arbarecje pakazaŭ u efiry telekanała LCI miescy, dzie mienavita va Ukrainie Francyja moža raźmiaścić svaje vojski, kali na heta budzie dadzieny aficyjny zahad.
Pa słovach pałkoŭnika, hetymi miescami pavinny stać albo usia ŭkrainska-biełaruskaja miaža, albo uvieś pravy bierah Dniapra, albo dva varyjanty adnačasova.
«Raźmiaščeńnie vojskaŭ uzdoŭž Dniapra pakazała b Rasii «čyrvonuju liniju», što joj nielha zachodzić u pravabiarežnuju Ukrainu. A raźmiaščeńnie ŭzdoŭž miažy ź Biełaruśsiu zaścierahło b Kijeŭ. Mahčymaje raźmiaščeńnie i ŭ abodvuch miescach», — zajaviŭ Arbarecje ŭ efiry telekanała LCI.
Jon dadaŭ, što na adnym z hetych miescaŭ Francyja praduhledžvaje raźmiaščeńnie da 20 tysiač svaich vajskoŭcaŭ, a sam fakt takoha zachodu va Ukrainu «dazvolić prymusić Rasiju pajści na pieramovy, vystupajučy z pazicyi paryteta».
Nahadajem, što prezident Francyi Emaniuel Makron niadaŭna vykazaŭsia za imaviernuju adpraŭku zachodnich vojskaŭ va Ukrainu. Paśla jon dadaŭ, što jaho rezanansnyja słovy byli staranna pradumanyja.
U toj ža čas zajavy francuzskaha prezidenta vyklikali niehatyŭnuju reakcyju z boku ŭradaŭ niekatorych krain-sajuźnic, lidary jakich paśpiašalisia zapeŭnić, što nie buduć adpraŭlać vojski. Ale ŭ Jeŭropie znajšlisia i tyja, chto padtrymaŭ ideju Makrona.
Kreml u svaju čarhu hnieŭna adreahavaŭ na vykazvańni Makrona, papiaredziŭšy, što razhortvańnie zachodnich vojskaŭ va Ukrainie niepaźbiežna pryviadzie da kanfliktu pamiž Rasijaj i NATA.
Čytajcie taksama:
Kiraŭnik MZS Polščy acaniŭ inicyjatyvu Makrona: Pucin budzie pytać siabie, jaki naš nastupny krok