Малдова высылае супрацоўніка расійскага пасольства
Прычына — арганізацыя выбараў прэзідэнта Расіі ў Прыднястроўі.
19.03.2024 / 13:23
Пасольства Расіі ў Кішынёве. Фота: pasporta.org
Міністэрства замежных спраў (МЗС) паведаміла 19 сакавіка, што выклікала пасла Расіі ў Малдове Алега Васняцова. Дыпламату выказалі пратэст супраць арганізацыі выбараў прэзідэнта Расіі на тэрыторыі Прыднястроўя і апавясцілі аб тым, што аднаго з супрацоўнікаў пасольства РФ абвясцілі персонай нон грата на тэрыторыі Малдовы, піша Newsmaker.md.
Ён павінен пакінуць краіну.
У Прыднястроўі 17 сакавіка без згоды Кішынёва адкрылі шэсць участкаў для галасавання на выбарах прэзідэнта Расіі. У выніку, паводле паведамлення мясцовых уладаў, на ўчастках, адкрытых у Ціраспалі, Бэндэрах, Рыбніцы і Грыгарыёпалі 97% выбаршчыкаў прагаласавалі за Уладзіміра Пуціна.
Раней МЗС Малдовы выклікала на кансультацыі пасла Расіі ў Кішынёве Алега Васняцова, якому выказала незадавальненне ў сувязі з пастановай амбасады РФ адкрыць выбарчыя ўчасткі ў прыднястроўскім рэгіёне.
Чытайце таксама:
«Справа аб спадарожнікавых талерках». Малдова высылае 45 чалавек з пасольства Расіі
Францыя падпісала абаронную дамову з Малдовай на фоне пагроз з боку Расіі