Ściah Šviecyi vyviesili la siadziby NATA. Va ŭračystaści ŭziała ŭdzieł pryncesa krainy
7 sakavika Šviecyja aficyjna stała 32-m čalcom NATA. 11 sakavika jaje ściah uračysta ŭźniali ŭ Brusieli, la štab-kvatery NATA.
11.03.2024 / 14:56
Premjer Šviecyi Ulf Krystersan (druhi źleva), Jens Stołtenbierh i pryncesa Viktoryja. Fota: Geert Vanden Wijngaert / AP
Ustupleńnie Šviecyi ŭ NATA śviedčyć ab «pravale» prezidenta Rasii Uładzimira Pucina ŭ jaho vajennaj stratehii va Ukrainie pa asłableńni aljansu, zajaviŭ u 11 sakavika hienieralny sakratar NATA Jens Stołtenberh padčas cyrymonii ŭźniaćcia ściaha, piša Radyjo Svaboda.
Uvarvańnie Kramla nie tolki padšturchnuła krainy, jakija raniej nie dałučylisia, Šviecyju i Finlandyju, pierajści pad ehidu abarony NATO, ale ciapier «Ukraina jak nikoli blizkaja da siabroŭstva ŭ NATO», — skazaŭ Stołtenberh.
7 sakavika ŭ ZŠA premjer Šviecyi Ulf Krystersan zajaviŭ pra «novuju histaryčnuju eru dla Šviecyi ŭ śfiery biaśpieki», padkreśliŭšy, što jahonaja kraina «padzielić ciažar, adkaznaść i ryzyki sa svaimi sajuźnikami».
Čytajcie taksama:
Na terytoryi Finlandyi i Šviecyi ŭpieršyniu ŭ historyi projduć vučeńni NATA