Prakuratura likvidavała «BiełaPAN» jak jurydyčnuju asobu
Prakuratura Pieršamajskaha rajona Minska damahłasia likvidacyi ZAT «BiełaPAN». U paviedamleńni prakuratury havorycca, što pazoŭ ab likvidacyi byŭ skiravany ŭ Ekanamičny sud Minska, jaki ŭchvaliŭ patrabavańni i pryniaŭ rašeńnie ab likvidacyi. Jano ŭstupiła ŭ zakonnuju siłu, źviarnuŭ uvahu Reform.by.
11.03.2024 / 10:11
«Ustanoŭlena, što hrupa hramadzian, jakija źjaŭlalisia supracoŭnikami hetaj arhanizacyi, u 2021 hodzie rašeńniem Kamiteta dziaržaŭnaj biaśpieki Respubliki Biełaruś pryznana ekstremisckim farmavańniem, dziejnaść nazvanaj hrupy była zabaronienaja. U metach vykanańnia nazvanaha rašeńnia ZAT «B.» uklučana ŭ pieralik arhanizacyj, farmavańniaŭ, indyvidualnych pradprymalnikaŭ, jakija majuć dačynieńnie da ekstremisckaj dziejnaści», — adznačyli ŭ prakuratury.
Infarmacyjnaje ahienctva ZAT «BiełaPAN» było ŭklučana ŭ nazvany pieralik 4 listapada 2021 hoda.
U kastryčniku 2022 hoda byŭ vyniesieny prysud žurnalistam i mieniedžaram BiełaPANa. Andrej Alaksandraŭ atrymaŭ 14 hadoŭ kałonii, jaho žonka Iryna Złobina — 9 hadoŭ, Dźmitryj Navažyłaŭ — 6 hadoŭ, Iryna Leŭšyna — 4 hady kałonii. Jany pryznanyja palitviaźniami.
Siarod inšaha, Alaksandraŭ, Leŭšyna i Navažyłaŭ abvinavačvalisia ŭ stvareńni ekstremisckaha farmavańnia i kiraŭnictvie im, a Alaksandraŭ i Navažyłaŭ — va ŭchileńni ad vypłaty padachodnaha padatku za luty 2015 hoda — krasavik 2021 hoda.
Čytajcie taksama:
Likvidavali arhanizacyju litoŭcaŭ, jakaja padtrymlivała «kurs kiraŭnictva Biełarusi»
U Biełarusi likvidujuć hramadskaje abjadnańnie «Dzieci Čarnobyla»
U Hrodnie likvidujuć abjadnańnie byłych małaletnich viaźniaŭ fašysckich kancłahieraŭ