Špileŭskaja raskazała, kali ŭ Biełarusi źjavicca žanočaja partyja
Kiraŭnica praŭładnaha Biełaruskaha sajuza žančyn Volha Špileŭskaja ŭ efiry ANT prakamientavała zajavy Alaksandra Łukašenki pra nieabchodnaść stvareńnia žanočaj palityčnaj siły.
10.03.2024 / 21:57
«Prezident havaryŭ i pra žanočuju partyju. Pra toje, što žanočaja partyja pavinna być. Ale ŭ słovach prezidenta vielmi dakładna prahučała, što lubaja inicyjatyva pavinna saśpieć ź nizoŭ. Tamu ja dumaju, što partyja ŭ nas, viadoma, źjavicca, kali pryjdzie dla hetaha čas», — adznačyła Špileŭskaja.
Čynoŭnica taksama raskazała, što ličyć hałoŭnym dla biełaruskaj žančyny.
«Lubaja žančyna razumieje, što mir — heta załoh pośpiechu jaje siamji. Heta załoh taho, što ŭ jaje vyrastuć dzieci. Załoh taho, što jany spakojna praciahnuć svaju budučyniu. Što jana ŭbačyć svaich unukaŭ. Dla mianie, naprykład, samaje važnaje — heta zdaroŭje i mir. I ŭsim žančynam hetaha zyču».
Čytajcie taksama:
Kiraŭnica Biełaruskaha sajuza žančyn Špileŭskaja: My hatovy iści abaraniać radzimu