U centry Minska lehkavik najechaŭ na śviatłafor. U mašyny vyrvała piarednija koły
Da avaryi pryviało kiepskaje samaadčuvańnie kiroŭcy.
10.03.2024 / 16:26
U niadzielu dniom 48-hadovy mužčyna za styrnom aŭtamabila KIA ździejśniŭ najezd na darožny znak i śviatłafor na vulicy Niamiha ŭ Minsku.
Kiroŭca i jaho pasažyry nie paciarpieli, lehkavik atrymaŭ surjoznyja miechaničnyja paškodžańni. Na fota bačna, što ŭ mašyny vyrvanyja koły.
Jak paviedamili ŭ DAI, pryčynaj avaryi stała rezkaje paharšeńnie zdaroŭja kiroŭcy. Inśpiektary nahadvajuć, što kiravać transpartnym srodkam u chvaravitym abo stomlenym stanie zabaroniena. U vypadku, kali kiroŭca adčuŭ paharšeńnie samaadčuvańnia, nieabchodna spynicca ŭ biaśpiečnym miescy i adpačyć. Pry nieabchodnaści treba vyklikać chutkuju miedycynskuju dapamohu.
Čytajcie taksama:
U Čavuskim rajonie fura sutyknułasia ź lehkavikom. Jaho kiroŭca — u reanimacyi
U Minsku kiroŭca aŭtobusa najechaŭ na pierachodzie na 67-hadovuju žančynu