Papa Francišak atrymaŭ u dar kopiju abraza Maci Božaj Žyrovickaj
Archimandryt Siarhiej Hajek, apostalski administratar dla katolikaŭ vizantyjskaha abradu ŭ Biełarusi, uručyŭ u dar śviatomu ajcu kopiju abraza Maci Božaj Žyrovickaj, pišuć Vatykanskija naviny.
07.03.2024 / 13:54
Padčas ahulnaj aŭdyjencyi, jakaja prajšła 6 sakavika na płoščy śviatoha Piatra ŭ Vatykanie, archimandryt Siarhiej vykazaŭ Papu padziaku ad biełaruskich hreka-katolikaŭ za stvareńnie Apostalskaj administratury, a taksama pavinšavaŭ jaho z adzinaccataj hadavinaj abrańnia na Pasad, jakaja budzie adznačacca 13 sakavika. U jakaści daru jon uručyŭ Francišku pamienšanuju kopiju abraza Maci Božaj Žyrovickaj, vykananuju na marmury ŭ minskaj majsterni Glivi.
Apostalskaja administratura dla katolikaŭ vizantyjskaha abradu ŭ Biełarusi była stvorana pa rašeńni Franciška 30 sakavika 2023 hoda. Apostalskim administrataram hetaj kaściolnaj struktury byŭ pryznačany archimandryt Siarhiej Hajek, dahetul Apostalski vizitatar dla biełaruskich hreka-katolikaŭ.
U studzieni 2023 hoda pantyfik maliŭsia pierad kopijaj abraza Maci Božaj Žyrovickaj, jakaja była vystaŭlena padčas ahulnaj aŭdyjencyi ŭ vatykanskaj Zale Paŭła VI. Pantyfik prasiŭ Baharodzicu ab dary miru va Ukrainie, dzie taksama šyroka ŭšanoŭvajecca heta ikona.
Čytajcie taksama:
Katalicki arcybiskup aficyjna dazvoliŭ viernikam jeści miasa na śviata 8 sakavika
Vyjšła kniha pra katalickaha śviatara, jaki pravioŭ 25 hadoŭ u savieckich łahierach i vysyłkach
Biełaruskija ksiandzy źjeździli na čempijanat Jeŭropy pa futbole. Vynik tak sabie